മയില്‍പ്പീലിക്ക് ഒറ്റക്കണ്ണ്
മാനത്ത് മഴക്കാറുകള്‍
പീലി കരഞ്ഞില്ല
മാനത്ത് മഴമേഘങ്ങള്‍
പീലി ചിരിച്ചില്ല
വെയില്‍ താണപ്പോള്‍
പീലി കളിച്ചില്ല
പീലിക്ക് ഒരൊറ്റക്കണ്ണ്
കറുപ്പും നീലയും മാറി
ചുവപ്പായത് പീലിനിറം
മണിനാദം കേട്ടപ്പോള്‍
തുടിപ്പായത് പീലിമനം
മാനം കാണാത്ത പീലി
താളം ചവിട്ടാത്ത പീലി
പ്രാണന്‍ വരയ്ക്കാത്ത പീലി
പീലിക്ക് ഒരൊറ്റക്കണ്ണ്
പീലിക്കണ്ണില്‍
ഒരു മുഖം.... ഇരുമുഖം....
മേഘമില്ലാത്ത മാനം
പീലിക്കൈ നീളുന്നു
പീലിക്കണ്ണു വിതുമ്പുന്നു
പീലിച്ചുണ്ടു പിളരുന്നു
ചുണ്ടില്‍ മധുരം നിറയുന്നു
മേഘം കാണാത്ത പീലി
ചാറ്റല്‍ നനയാത്ത പീലി
കാറ്റില്‍ തണുക്കാത്ത പീലി
മുത്തം മറക്കുന്ന പീലി
പീലിയ്ക്കു കണ്ണുണ്ട്.....
ഇപ്പോഴും....
(16.10.2010)
No Response to "മാനം കാണാത്ത പീലി"
Post a Comment