Wednesday, March 16, 2011

ആഗ്നേയം

0


പ്രണയം

കാറ്റുപോലെയല്ല,

മഞ്ഞുപോലെയല്ല,

നിന്നെപ്പോലെയുമല്ല


പ്രണയം... അഗ്നിയാണ്

-ദൃശ്യം-

പകല്‍ക്കാഴ്ച്ചയില്‍ സുന്ദരം,

ഇരുള്‍ക്കിടക്കയില്‍ മാദകം,

പടര്‍ന്നാളുമ്പോള്‍ വന്യം


പ്രണയം... ഇളംതീയാണ്

-സാമീപ്യം-

മരവിച്ച മനസ്സുകള്‍ക്ക്

തണുത്തുറഞ്ഞ കിനാവുകള്‍ക്ക്

ഉരുകിയെത്താത്ത നോവുകള്‍ക്ക്‌


പ്രണയം

-സ്പര്‍ശം-

വിരലൊന്നു നീട്ടിയാല്‍,

മുടിയൊന്നു പാറിയാല്‍,

അരികിലേയ്ക്കെത്തിയാല്‍

പൊള്ളും, കരിയും, വരളും....

പ്രണയം അഗ്നിയാണ്.


ശേഷം

കരിഞ്ഞുപോയതും

കറുത്തിരുണ്ടതും   

വരണ്ടുവിണ്ടതും

ഞാന്‍...


എരിഞ്ഞുതീര്‍ന്നതോ 

നീ...

( ആദ്യവരികള്‍ക്ക് കടപ്പാട് : 'പുലിനി'  - Short Film by Pampally )
(16.03.2011)
     

No Response to "ആഗ്നേയം"

Post a Comment