മല്ലു –
ഇതിഹാസമാണവന്
കെമിക്കല്ത്തോട്ടങ്ങള്
വലിച്ചു ചടച്ചവന്
ചുരം കടന്നെത്തുന്ന
വിഷക്കായ രുചിച്ചവന്
മണ്ണിര കൊഴുപ്പിച്ച
പാലാഴി കുടിച്ചവന് - മല്ലു
വാ കീറിയ ദൈവം തന്നാല്
വാലറ്റവും തിന്നുന്നവന്
ഇര തേടിയിറങ്ങാതിനിയും
പരദേശിയെ പോറ്റുന്നവന്
എണ്ണവിലയ്ക്കു തീയിട്ടാലും
മുന്തിയ വണ്ടി പറത്തുന്നവന്
മല്ലു – പരിഹാസമാണവന്
മഴ കൊയ്തെടുക്കാതെ
മരം കൊയ്തെടുക്കുന്നവന്
പച്ചില ദഹിക്കാതെ
നരകക്കോഴി വിഴുങ്ങുന്നവന്
ഇ-ടോയ്ലറ്റിനു പിന്നില്
ഗാന്ധി ചിരിക്കുന്ന കീശയില്
നാണയത്തുട്ടു പിശുക്കുന്നവന്
മല്ലു – ഇനിയും,
കുംഭകോണങ്ങള്ക്കുമപ്പുറം
പൊട്ടാന്മുട്ടും കെട്ടിനുമേലെ
കാലത്തിന്റെ തടുക്കപ്പായില് ,
ഇടിവെട്ടേറ്റവനിരിക്കുന്നു
പാമ്പുകടിക്കുന്നതും കാത്ത്
(14..09..2012)