വഴിക്കണ്ണു നീളുന്ന -
തവള് മാത്രമറിയുന്നു
മയങ്ങുന്ന കുരുവികള്
വിതുമ്പുന്ന രാക്കിളി
തണുക്കുന്ന കിണര്വെള്ളം...
മരവിക്കുമത്താഴം...
വഴിക്കണ്ണു നീറുമ്പൊ -
ഴവള് മാത്രമുരുകുന്നു
വൈകുമെന്നൊറ്റ
വരിയ്ക്കൊരു സന്ദേശം...
ഇരുളുന്ന വീഥികള്
മങ്ങുന്ന കാഴ്ചകള്
കുളിരുന്ന ചാറ്റലില്
വഴുക്കുന്ന ചരിവുകള് ...!!!
വഴിക്കണ്ണു കടയുമ്പൊ -
ഴവള് മാത്രം പിടയുന്നു
വഴിയില് കുടുങ്ങിയോ...?
കുഴികള് ചതിച്ചുവോ...?
ഇരുളിന്റെ മറവുകള് ...
മരനീര് വളയങ്ങള് ...
മാരകവേഗങ്ങള് ...
ചുടുചോര... വേദന...
കണ്പോള തുടികളായ്...
നെഞ്ചിടം ചെണ്ടയായ്
അടിവയര് തീക്കനല്
കൈകാല് തരിപ്പുകള്
ചുണ്ടിലും നാവിലും -
‘കാക്കണേ......യീശ്വരാ...’
..............................
..............................
വഴിക്കണ്ണു കാണുന്നു...!!!
വഴിക്കണ്ണു തിരയുന്നു...
വഴിക്കണ്ണു കാണുമ്പൊ -
ഴവള് മാത്രമവള് മാത്ര -
മവളായ് തീരുന്നു....
വഴിക്കണ്ണറിയുന്നു...
ആ നിഴല് ജീവിതം,
ആ മുഖം പ്രാണനും...
ആ സ്വരം ശ്വാസവും...
(30.11.2010)
6 Response to വഴിക്കണ്ണ്
വഴിയില് കുടുങ്ങിയോ..?
കുഴികള് ചതിച്ച്ചുവോ..?
ഇരുളിന്റെ മറവുകള്..
മരനീര് വളയങ്ങള്..
മാരക വേഗങ്ങള്..
........
നിത്യവും ഇങ്ങിനെ വഴിക്കണ്ണുമായി കാത്തിരിക്കുന്നവരുടെ ഒരസ്സല് ചിത്രം..കവിത വളരെ നന്നായിരിക്കുന്നു.
"വഴിക്കണ്ണു കടയുമ്പൊ -
ഴവള് മാത്രം പിടയുന്നു
വഴിയില് കുടുങ്ങിയോ...?
കുഴികള് ചതിച്ചുവോ...?" ഒരമ്മയുടെ വ്യാകുലത നന്നായി അവതരിപ്പിച്ചിരിക്കുന്നു.. കാലിക പ്രാധാന്യമുള്ള കവിത.
ഹോ..ഇത് ഭയങ്കര കടു കഡോരം ആയിപ്പോയ്യി എനിക്ക് .. താങ്ങാന് പറ്റുന്നില്ല. നമുക്ക് ലളിതം മതിയേ..
മാപ്പ്..
ലൈക്ക് അടിച്ചു ഞാന്..അപ്പൊ പോട്ടെ...
ഇഷ്ടായീ..
നിങ്ങൾ ഇങ്ങനെയൊന്നും ഇരുന്നാ പോരാട്ടാ..
LIKE
Post a Comment