കണക്കെഴുതി വയ്ക്കാന്‍
നീ പറഞ്ഞു,
എല്ലാ സ്നേഹവും
ഒരിക്കല്‍ തിരികെ തരാമെന്ന്.
ഓരോ തരിയും ഒന്നൊഴിയാതെ ഞാന്‍ കുറിച്ചുവച്ചു.
കാലങ്ങള്‍ക്കപ്പുറം
കണക്കുതീര്‍ക്കാന്‍ നീയെത്തി;
എന്‍റെ കണക്കുപുസ്തകം
കളഞ്ഞുപോയിരുന്നു...!
തെക്കിനിമൂലയില്‍
വാരിക്കൂട്ടിയതിനിടയില്‍
അതുണ്ടോയെന്നു നോക്കാന്‍
നിന്നോട് ഞാന്‍ പറഞ്ഞു.
അറിയുന്നതപ്പോഴാണ്,
കിട്ടിയാലും വായിക്കാനാവാതെ
നിനക്കു വെള്ളെഴുത്ത് ബാധിച്ചെന്ന്,
എന്നെപ്പോലെ തന്നെ.
(12.06.2011)
13 Response to കണക്കുപുസ്തകം
കണക്ക് പുസ്തകം ഇങ്ങനെ കളയാമോ സോണി?
കളഞ്ഞുപോയ കണക്കുപുസ്തകം വായിച്ച് കടം വീട്ടാന്‍ വെള്ളെഴുത്തുമായി വന്ന് കവിത തന്നതാരാണ് സോണി?...നല്ല കവിത
ഇത്രയും വിലപ്പെട്ട കണക്കു പുസ്തകം ഇങ്ങനെ കളയാവോ സോണി ? ഏതേലും ബാങ്ക് ലോക്കെറില്‍ വെച്ചൂടായിരുന്നോ? കവിത കൊള്ളാട്ടോ..
തിരിച്ചുകിട്ടാത്ത സ്നേഹത്തിന് പ്രസക്തി നഷ്ടപ്പെടുമ്പോള്‍ കണക്കെഴുത്തുകള്‍ക്ക് എന്തുവില?
വെള്ളെഴുത്തു കാലത്ത് മാത്രം വായിക്കാന്‍ കിട്ടുന്ന അത്തരം
ചില കണക്കുകളുണ്ട്.
ആവുന്ന കാലത്ത് കാലത്ത് കണികാണാനാവാത്ത
ആഗ്രഹപ്പച്ചകള്‍.
നന്നായെഴുതി. ചുരുക്കി. ശക്തമായി.
പ്രസക്തി നഷ്ടപ്പെടുന്ന കണക്കെഴുത്തുകൾ...........! നിരാസ ശീലത്തിന്റെ വെള്ളെഴുത്തുകൾ...........! മനസ്സിലാകുന്ന ഭാഷയിൽ കവിതയെഴുന്നവരോടെനിക്ക് അസൂയയാണ്. ഈ നിമിഷം എനിക്കത് സോണിയോടാണ്. കാരണം ഒരു വിധപ്പെട്ട കവിതകളൊന്നും എനിക്കു തിരിയാറില്ല. കവിതയൊട്ടെനിക്ക് വഴങ്ങുന്നുമില്ല......! എങ്ങനെ സാധിക്കുന്നു ഇങ്ങനെയൊക്കെ ? ഈ ടൈപ്പ് സാധനം ഇനിയുമുണ്ടെങ്കിൽ .............പോരട്ടെ...............ഇനിയും പോരട്ടെ.............സ്നേഹപൂർവ്വം വിധു
പലപ്പോഴും...
ജീവിതത്തില്‍
ചില കണക്കുകള്‍
ശേഷിക്കാറുണ്ട്...
ജീവിതത്തിന്റെ
കണക്കുപുസ്തകം...!
ആശംസകള്‍
തിരിച്ചു വേണമെന്നാഗ്രഹിക്കാതെ കൊടുക്കുന്നതാണ് യഥാര്‍ത്ഥ സ്നേഹം. കവിത നന്നായി അത് വേറെ കാര്യം
ആശംസകള്‍
കണക്കുകൂട്ടല് കമ്പ്ലീറ്റ് തെറ്റിയിക്കുമ്പളാ..പുസ്തകം കളഞ്ഞുപോയത്..!
തെരഞ്ഞുപിടിച്ചു നോക്കാന്നുവച്ചപ്പം..
ശ്ശോ..!ഞാന്‍ തോറ്റു..!!
നല്ല കവിത.
ആശംസകള്‍...!!
നല്ല കവിത :)
കിട്ടേണ്ട സമയത്ത് കിട്ടിയില്ലെങ്കില്‍ സ്നേഹത്തിനെന്നല്ല ഒന്നിനും ഒരു വിലയുണ്ടാകില്ല. എല്ലാം മറന്നു സ്നേഹിച്ചപ്പോള്‍ തിരിച്ചു സ്നേഹിക്കാന്‍ സമയവും സൗകര്യവും ഇല്ലായിരുന്നു. സ്നേഹത്തിന്റെ തീവ്രതയും തീക്ഷ്ണതയും കാണാതെ പോകുന്നവര്‍ക്കു വേണ്ടി എന്തിനത് കാത്തു വെയ്ക്കണം? ഒരിക്കല്‍ തിരികെ തരാമെന്ന്. ആര്‍ക്കു വേണം ആ സ്നേഹം. എന്നിട്ടിപ്പോള്‍ തിരികെ ചോദിച്ചു വന്നിരിക്കുന്നു...
നല്ല കവിത. സ്നേഹിക്കാന്‍ മറന്നുപോയവര്‍ക്ക് വേണ്ടിയുള്ള ഈ വരികള്‍ എനിക്ക് ഒരുപാടിഷ്ടമായി സോണി.
wow.mashah allah...keep it up
Post a Comment