നാവുറയ്ക്കും മുന്‍പേ
അച്ഛനെന്നു വിളിക്കും മുന്‍പേ
കുഞ്ഞരിപ്പല്ലു കാട്ടി
ഇത്തിരിക്കുട്ടി പറഞ്ഞു,
" പ്ലിങ്ങസ്യ... "
കണ്ണുമിഴിച്ചു ഞാന്‍ നിന്നപ്പോള്‍
അവള്‍ ചിരിച്ചു...
രാവിലെ ഉണരുമ്പോള്‍
എന്‍റെ മീശയില്‍ പിടിച്ചും
രാത്രിയെന്റെ മുതുകത്ത്
ആന കളിക്കുമ്പോഴും
അവള്‍ പറഞ്ഞു,
" പ്ലിങ്ങസ്യ... "
ഇരുപതുലക്ഷവും ഇരുനൂറു പവനും
ഷെവര്‍ലെ കാറും റബ്ബര്‍ത്തോട്ടവും
കള്ളച്ചിരിയുമായി
അവള്‍ പടിയിറങ്ങിപ്പോയി
ജപ്തിനോട്ടീസുകള്‍ എണ്ണിയടുക്കുമ്പോള്‍
അവള്‍ പറഞ്ഞതിനര്‍ത്ഥം ഞാനറിഞ്ഞു,
" പ്ലിങ്ങസ്യ... "
(15..06..2011)
17 Response to പ്ലിങ്ങസ്യ...
പോകെപ്പോകെ, ജീവിതം വെറും... പ്ലിങ്ങസ്യ...
കവിത ഇഷ്ടമായി, പക്ഷെ ഈ പ്ലിങ്ങസ്യ...?
പ്ലിങ്ങസ്യ..പ്ലിങ്ങസ്യ..
സോണി ഞാന്‍ ആദ്യായിട്ടാ ഈ വാക്ക് കേള്‍ക്കുന്നത്:-) എന്തായാലും കവിത നന്നായി
ജപ്തിനോട്ടീസുകള്‍ എണ്ണിയടുക്കുമ്പോള്‍
അവള്‍ പറഞ്ഞതിനര്‍ത്ഥം ഞാനറിഞ്ഞു, അപ്പോൾ അതായിരുന്നല്ലേ പ്ലിങ്ങസ്യ...
ഇരുപതുലക്ഷവും ഇരുനൂറു പവനും, ഷെവര്‍ലെ കാറും റബ്ബര്‍ത്തോട്ടവും
ഹോ! ബ്ലിംങ്ങസ്യാന്നായിപോയി.
ഈ വാക്കിന് അര്‍ത്ഥം കണ്ടുപിടിക്കുമ്പൊ അറിയിക്കണേ :പ്
പ്ലിങ്ങസ്യയ്ക്കു പകരം നമ്മുടെ നാ‍ട്ടിൽ പറയുന്ന ഒരു വാക്കുണ്ട്; ബ്ലങ്കി!
എവിട്ന്ന് കിട്ടി ഈ മെരുങ്ങാത്ത സാധനത്തെ? കവിത തരക്കേടില്ല പക്ഷേ അത് എന്താ? ആ പ്ലി....? ഒന്നാലോചിച്ചപ്പോൾ തോന്നി അതൊരലങ്കാരം തന്നെ.
ഈ വാക്ക് കേട്ടിട്ട് എത്ര നാളായി! കാലഹരണപ്പെട്ടുകൊണ്ടിരിക്കുന്ന ഒരു വാക്കാണിത്. എത്ര അച്ഛന്മാരു ഇതുപോലെ പ്ലിങ്ങസ്യാന്ന് വീട്ടിലിരിക്കുന്നുണ്ടാകും? :(
അവളുടെ മക്കള്‍ അവള്‍ക്കുവേണ്ടിയും കരുതി വച്ചിട്ടുണ്ടാകും ഇങ്ങനെ ഒരു വാക്ക്. ലതാണോ ? ഹേയ് അല്ല.ലതല്ലേ? ആണോ? ഏയ്‌ ആവില്ല. കുറച്ചാലോചിക്കും. പിന്നെ വിടും.മിക്കവാറും ഒടുവില്‍ കിട്ടുമ്പോള്‍ മനസ്സിലാകും. പിന്നെ മനസ്സിലായിട്ടു കാര്യമില്ലെന്കിലും.........
പുതിയ വാക്കുകള്‍ നാം ഉപയോഗിച്ചു തുടങ്ങുന്നതെങ്ങിനെ ?
ദാ ഇങ്ങനെ പ്ലിങ്ങസ്യാന്ന്.........
പ്ലിങ്ങസ്യ... ഈ വാക്കിനു പുച്ച പരിഹാസം എന്ന് അര്‍ത്ഥമ്മാകണം അല്ലെ
പ്ലിങ്ങസ്യ ഉഗ്രന്‍.. കേള്‍ക്കാതിരുന്ന വാക്കെങ്കിലും ഇപ്പോ അതിന്‍റെ അര്‍ത്ഥം കൂടി മനസ്സിലായപോലെ...
പ്ലിങ്ങസ്യ കൊള്ളാം.. കവിത ഇഷ്ടപ്പെട്ടു.മകള്‍ ബാധ്യതയാണെന്നാണോ പറഞ്ഞു വയ്ക്കുന്നത്..സ്ത്രീപക്ഷക്കാര്‍ കേക്കണ്ട...
വന്നവര്‍ക്കും, കണ്ടവര്‍ക്കും, മിണ്ടിയവര്‍ക്കും നന്ദി.
@ കൊമ്പന്‍ : അങ്ങനെയല്ല.
@ വായാടി : ആ കേട്ട വാക്ക് 'മിഴ്ങ്ങസ്യാ....' ന്നല്ലേ?
@ സങ്കല്പങ്ങള്‍ : മകള്‍ ബാധ്യത അല്ല, ഒരിക്കലും. പക്ഷേ അവളെ ഒരുവഴിയ്ക്ക് ഇറക്കിവിടുക എന്നത് ഇപ്പോള്‍ വല്ലാത്ത ബാധ്യത വരുത്തിവയ്ക്കുന്ന ഒന്നാണ്.
അര്‍ഥം മനസ്സിലായില്ല എന്ന് പറഞ്ഞവരോട്...
'പ്ലിങ്ങസ്യ' എന്ന് വച്ചാല്‍ എന്താണെന്ന് എന്‍റെ ഒന്‍പതുവയസ്സുകാരന്‍ മകനോട്‌ ചോദിച്ചപ്പോള്‍ അവന്‍ പറഞ്ഞത്,
"അതേ, നമ്മള്‍ ഈ പഴമൊക്കെ കയ്യില്‍ പിടിച്ച് ദാ ഇ.....ങ്ങനെ ഞെക്കുമ്പോ പ്ലിങ്ങസ്യാ....ന്നായിപ്പോവില്ലേ, അതാ..."
മിഴുങ്ങസ്യയെന്നായില്ലിതു
വായിച്ചു കൊള്ളമീ പ്ലിങ്ങസ്യാ
പ്ലിങ്ങസ്യ ഹി ഹി
മനുഷേനെ..കണ്‍ഫ്യൂഷനാക്കാന്‍ ഓരോന്നു പൊക്കിയെടുത്തോണ്ട് വന്നോളും..!
എന്നിട്ടോ.. കമന്റൊക്കൊക്കെ വായിച്ച് ‘പ്ലിങ്ങസ്യാ’..!
അത്രന്നെ..!
ആശംസകള്‍!!
വായിച്ചു വായിച്ചു ഞാന്‍ ഇപ്പോള്‍ പ്ലിങ്ങസ്സ്യ എന്നായി..
Post a Comment