മാറ്റങ്ങള്‍ -
മുറ്റത്തെ പൂഴിയില്‍ കാലുരച്ച്‌,
വാതില്‍പ്പടിയില്‍ മറഞ്ഞുനോക്കി,
അകത്തളത്തില്‍ പാദമൂന്നി,
അവ കടന്നുവരും
ചിലപ്പോള്‍ ഉറുമ്പുപോലെ അരിച്ചരിച്ച്,
ചിലപ്പോള്‍ ഒച്ചുപോലെ ഇഴഞ്ഞിഴഞ്ഞ്,
മറ്റു ചിലപ്പോള്‍ കാറ്റു പോലെ,
ആരോരുമറിയാതെ,
ഇനിയും ചിലപ്പോള്‍
ആധിപിടിച്ച അമ്മയെപ്പോലെ,
കരഞ്ഞും പറഞ്ഞും.
മാറ്റങ്ങള്‍ -
അകത്തു കയറും,
ആരും കാണാതെ
അടുക്കളച്ചുവരില്‍
ഞാന്നു കിടക്കും,
അടുപ്പെരിയുമ്പോള്‍
അവ പുകയും,
പുകയേറ്റ് എന്‍റെ കണ്ണു നീറും...
മാറ്റങ്ങള്‍,
അവനറിയാതെ
അവളറിയാതെ
അവരുടെ പിന്നാലെ പോകും,
വഴിത്തിരിവുകളില്‍
ചൂണ്ടുപലകകള്‍ തിരിച്ചുവയ്ക്കും ,
വഴിയവസാനിക്കുന്നിടം
മാറ്റങ്ങള്‍ ആത്മഹത്യ ചെയ്യും.
തിരിഞ്ഞുനടക്കാം,
പിറുപിറുക്കാം, എല്ലാം നല്ലതിനെന്ന്,
വഴി തീരുന്നിടത്ത്‌ പറന്നുനോക്കാം,
അഗാധതയിലേയ്ക്ക്,
ചിറകുകള്‍ താനേ
മുളയ്ക്കുമെന്നു കരുതി.
(12..05..2011)
മുറ്റത്തെ പൂഴിയില്‍ കാലുരച്ച്‌,
വാതില്‍പ്പടിയില്‍ മറഞ്ഞുനോക്കി,
അകത്തളത്തില്‍ പാദമൂന്നി,
അവ കടന്നുവരും
ചിലപ്പോള്‍ ഉറുമ്പുപോലെ അരിച്ചരിച്ച്,
ചിലപ്പോള്‍ ഒച്ചുപോലെ ഇഴഞ്ഞിഴഞ്ഞ്,
മറ്റു ചിലപ്പോള്‍ കാറ്റു പോലെ,
ആരോരുമറിയാതെ,
ഇനിയും ചിലപ്പോള്‍
ആധിപിടിച്ച അമ്മയെപ്പോലെ,
കരഞ്ഞും പറഞ്ഞും.
മാറ്റങ്ങള്‍ -
അകത്തു കയറും,
ആരും കാണാതെ
അടുക്കളച്ചുവരില്‍
ഞാന്നു കിടക്കും,
അടുപ്പെരിയുമ്പോള്‍
അവ പുകയും,
പുകയേറ്റ് എന്‍റെ കണ്ണു നീറും...
മാറ്റങ്ങള്‍,
അവനറിയാതെ
അവളറിയാതെ
അവരുടെ പിന്നാലെ പോകും,
വഴിത്തിരിവുകളില്‍
ചൂണ്ടുപലകകള്‍ തിരിച്ചുവയ്ക്കും ,
വഴിയവസാനിക്കുന്നിടം
മാറ്റങ്ങള്‍ ആത്മഹത്യ ചെയ്യും.
തിരിഞ്ഞുനടക്കാം,
പിറുപിറുക്കാം, എല്ലാം നല്ലതിനെന്ന്,
വഴി തീരുന്നിടത്ത്‌ പറന്നുനോക്കാം,
അഗാധതയിലേയ്ക്ക്,
ചിറകുകള്‍ താനേ
മുളയ്ക്കുമെന്നു കരുതി.
(12..05..2011)
4 Response to മാറ്റങ്ങള്‍
പകരം പ്രതിഷ്ഠിക്കാം പ്രതീക്ഷകളെ..
വഴി തീരുന്നിടത്ത്‌ പറന്നുനോക്കാം,
അഗാധതയിലേയ്ക്ക്,
ചിറകുകള്‍ താനേ മുളയ്ക്കുമെന്നു കരുതി..
വളരെ നല്ല വരികള്‍ .അഭിനന്ദനങ്ങള്‍ .
പുത്തന്‍ കാവ്യ ബിംബങ്ങളാല്‍ കവിത പുതിയ കാവ്യബോധം സൃഷ്ടിക്കുന്നു.
അഭിനന്ദനങ്ങള്‍
മാറ്റങ്ങള്‍ -
അകത്തു കയറും,
ആരും കാണാതെ
അടുക്കളച്ചുവരില്‍
ഞാന്നു കിടക്കും
:)
Post a Comment